روتين العنايه باليدين

عارفه الوسواس بتاع اني مبقدرش استخدم حاجه حد ولا حد يستخدم حاجتي.

الوسواس ده هو اللي خلاني اتعلَّم اعمل حاجتي بنفسي وأدلع نفسي بنفسي من البيت ،
من بعد ما كنت بروح مكان بادواتي يعملولي بيها وأفضل أقنعهم ،
والنَّاس اللي شغالين وهما بيعملولي بحس ان الموضوع تقيل علي قلبهم معرفش ليه بصراحه ،لحد بقي ما تخلصت من الحوار ده والدوشه وبقيت بعمل في البيت روتين ايدي و ضوافري.
الناس اللي زيي اكيد فاهمين انا بقول ايه ،لو انتي بقي زيي يبقي البوست ده هينفعك جدااا🙂.
………………………………………………………………………

روتيني للعنايه بايدي وضوافري🙂

٩خطوات بكل بساطه لو عملتيهم شكل ايدك هيبسطك اوي وخصوصا مع دخول الصيف والحر والشمس بتحتاج عنايه اكتر شويتين🤦‍♀️.

………………………………………………………………………

الروتين الأسبوعي

•اعملي سكراب لايدك مرتين في الاسبوع علشان تشيلي خلايا الجلد الميت ويكون ملمس ايدك مرضي ليكي ،السكراب اللي اخترته هو سكراب الفراوله ،وطبعا كل واحد ومزاجه .

•استخدمي المبرد اللي عليه ارقام ده فيه منه اشكال كتيره بس النتيجه واحده هي انك بتبردي الاظافر نفسها علشان تلمعيها بشرط انك تعمليها مره واحده في الاسبوع .

•استخدمي المبرد العادي علشان بتردي ضوافرك وتعملي لها شكل حلو علي حسب ذوقك ولو مبتعرفيش،اليوتيوب مليان اعملي سيرش واتعلمي.

•بعد كده برطب ايدي وضوافري بزيت جوزالهند علشان اغذيها وارطبها كويس .

………………………………………………………………………

الروتين اليومي

•اغسلي ايدك بصابون مفيهوش اَي مواد كيميائيه علشان تحافظي علي ايدك من الجفاف.

•الجوانتي ثم الجوانتي وانتي بتغسلي المواعين ،لو مش بتحبيه يبقي ترطبي ايدك بزيت جوزالهند بعد غسيل المواعين .

•تنشفي ايدك كويس جدا بعد الوضوء او استخدام اَي مايه.

•بلاش مايه سخنه اوي علي ايدك استخدمي مايه فاتره.

•كل يوم قبل النوم رطبي ايدك وضوافرك بزيت جوزالهند ،الموضوع بيفرق جداا في ملمس ايدك وضوافرك .

………………………………………………………………………

بسمه..



أحصل على ١٠٠ نقطة عن كل صديق يسجل بإستخدام الرابط التالي
https://abbrak.com/?mref=


نبذة عن الكاتب: Basma Mahrous مستثمر متفاعل
بحب الطبيعه جداا والأماكن المفتوحه ،بحب السفر ،شغفي الزيوت الطبيعيه وازاي اطلع منها product 😃🌼
الرابط المصغر لهذا المقال: https://abbrak.com/ktmigl

اترك تعليقاً