?كام مره كنتي انتي النهارده ؟

?كام مره كنتي موجوده في اللحظه انهارده ؟

رحلة من الجسد الى الروح

رحلة جميلة في عشرة أيام تستعيد فيها روحك وتتلطف بذاتك وتنتقل خلالها من الضوضاء والتشويش الى عالم هادئ انت تسيطر فيه على انفعالاتك ومشاعرك نحو نفسك ونحو الحياة ونحو الآخرين.

?كم مره كنتي بتعاملي نفسك human being مش human doing؟؟ انتي عارفه اصلا الفرق بينهم ؟؟

?عمرك سالتي نفسك وانا بعمل الحاجه اللي في ايدي انا بعملها وانا مركزه اني بعملها ،ولا بعملها وانا بفكر في حاجه فاتت او بفكر هعمل ايه بعد لما اخلص ؟؟

?انتي مدركه ان كل لحظه بتعدي علينا هي هديه من ربنا لينا محتاجين نحطها في وعينا وندرك اننا نشكره عليها !!!

?طب ازاي نشكره عليها واحنا اصلا مش عارفين انها هديه ؟؟

?انتي عارفه المقوله اللي بتقول لو عاوزه تغضبي فكري في الماضي ،ولو عاوزه تقلقي فكري في المستقبل ،ولو عاوزه السعاده فكري في اللحظه اللي بين ايديكي ؟؟

اللحظه اللي بين أيدينا هي دي بس اللي نملكها ونقدر نتحكم فيها ،اما الماضي خلاص فات وخدنا منه الحكمه والدرس المستفاد ،والمستقبل لسه اللي في ايدي ليه اني اسعي في اللحظه اللي انا فيها وأخطط له بسعاده ،لكن مش يكون المستقبل هو محور حياتي واللي شاغل تفكيري ومش مدرك للحظه اللي بين ايديا ،

ومش حاطط في وعيي كلام ربنا اللي بيقول "ان ليس  للإنسان الا ماسعي وان سعيه سوف يري ثم يجزاه الجزاء الاوفي"،كميه الأمان والتسليم لله في الآيات دي عظيم فكري كده وسيبها علي ربك??

?ازاي بقي ادرك أني human being مش doing،اني انقل تركيزي واستشعر اللي بعمله في اللحظه اللي انا فيها ،يعني مثلا لو انا بتأمل في السماء انقل كل تركيزي وحواسي علي السما واخليها لحظه تدبر وتأمل وشكر لله وتسبيح ،اني شايفه الوان السما ،اني حاسه بالجو وحاسه بريحته ،اني عندي النظر  اللي ممكن من خلاله أتأمل السما ،وان قادره اسمع صوت العصافير ،

علي الرغم من بساطه الموقف اللي ممكن يعدي علينا كلنا يوميا الا اننا قدرنا نحوله لمصدر شحن لينا علي مستوي الروح والعقل والجسد،وبقي اثره عظيم علينا .

?وانتي في الصلاه ازاي أكون human being،انك تستشعري للحظه قبل الصلاه انك رايحه تقابلي مين وليه ؟؟ومده اجتماعكم ايه علي فكره انتي اللي بتحديديها!!

مين طبعا ؟؟ربنا !!بس انتي عارفه مين ربنا ؟؟

ربنا هو مالك الكون يعني شوفي حالتك عاوزاها ازاي وانتي رايحه تقابلي العظيم ،هتروحيله وانتي ضعيفه وقلقانه ولا وانتي عظيمه وعندك يقين ان طلبك مجاب وأنك بخروجك من اللقاء انتي احسن وأقوي وأعظم لانك اتصلتي بالمصدر ،وخدتي منه الدعم والقوه والعظمه ،وطلبتي كل حاجه نفسك وعندك يقين بالاجابة .

طبعا الصلاه اللي أقصدها مش بس المقصود بيها الصلوات الخمس لا!!

الصلاه دي هي حاله بتكوني فيها من اول ما الروح ترد فيكي من اول صحيانك لحد نومك تاني ،حاله من الونس والتسليم وحسن التوكل والتيسير والشكر والامتنان  ،حاله كده بتحسي فيها انك متصله بالمصدر طول الوقت ،تخيلي كده لو اللاب بتاعك  في الشاحن علي طول وانتي بتشتغلي هل تقلقي انه ممكن يفصل ومتعرفيش تكملي  ،ولا هتبقي واثقه انه دايما مشحون وهتقدري تكملي شغلك بأمان ??

مابالك بقي برب الكون ده كله ،شايفه العظمه وشايفه انتي متصله بمين ??

فكري في كل لحظه بتمر عليكي ازاي أكون human being وأكون حاضره في لحظاتي وممتنه لها ومستشعره نعمه ربنا عليا ?،فكري في كل لحظه ازاي تحوليها للاحسن والأفضل وتشوفي الجانب الإيجابي فيها علشان تحققي التوازن علي مستوي الروح والجسد والعقل وتركزي في كل فعل بتعمليه هو بيملي اَي جانب عندك ؟؟لو لقتيه انه مش بيملي اَي جانب محتاجه تعيدي النظر في الفعل ده انك تستغني عنه او تشوفيله تعديل بحيث انه يملي عندك جوانبك او علي الأقل جانب واحد في الأغلب .

دمتم بكل الصحه والسعاده والحب والتوازن ??

رمضان كريم ???