Happy skin "3 "

اول لما بتبصي في المرايه مش حاسه بنضاره !
اول حاجه عينك بتقع عليها هي الخطوط والتجاعيد اللي بدأت تظهر في وشك ،

واحد جواكي بيقولك روحي اعملي زي ما بيعملو وشيلي الكام تجعيده دول علشان تحسي انك تمام ،
وبرضه واحد تاني جواكي بيقولك لا متعمليش انتي هتدخلي في الدوامه دي من دلوقتي.

لو ديه السيناريوهات اللي بتدور في دماغك اول ما تبصي في المرايه يبقي الحلقه دي علشانك .
.......…...............::.................................….::..................

الديرما رولر حاجه كده اختراع لما تدخليها في روتينك مره في الاسبوع ، هتحسي ان وشك فيه نضاره ،وكمان هتقللك التجاعيد اللي مضايقاكي ،وهيحفز الجلد انه يفرز كولاجين جديد ويجدد خلايا الجلد ،
و هتحسي ان وشك اختلف جدااا للاحسن.

طب ده بيحصل ازاي ؟

بيحصل لانك لما بتستخدمي الديرما رولر علي بشرتك ،الشكشكه اللي بتعملها في البشره دي بتوصل للمخ اشاره ان المكان ده فيه أصابه فيتحفز ويبدا يعمل كولاجين جديد ،ولا كانك رحتي عملتي جلسه من اياهم ?.

انتي كمان بعد استخدامك للديرما رول البشره بتكون مستعده انها تمتص اَي حاجه تتحط بعدها علي البشره وتستفيد منها.
وكمان ميزتها انها سهله انك تعمليها في البيت بكل سهوله ،والمقاس المناسب للبيت ٥,مل او ١مل .

ازاي تستخدميها بسهوله ؟؟؟؟

اول حاجه هتغسلي وشك بالصابونه بتاعتك وبعدين هترشي التونر اللطيف بتاعك.

ثاني حاجه هترشي علي الديرما رول الكحول علشان تعقميها وبعدين تبداي تمشي علي وشك بالديرما رولر زي الأسهم اللي في الصوره .
ثالث حاجه هتدهني وشك بعد لما تخلصي بزيت جوزالهند هيقلل الالتهاب وكمان هيغذي البشره .