أنا الحين بس عرفت ليش البعض يخافون من كلام الناس. يمكن معتبرين نفسهم نباتات، بقدونس مثلا هههههههههههههههه
يخافون ياكلونهم هههههههههههه
وبعدين عقب ما خفت من كلام الناس وش صار؟ ولا شي.
طيب أنت ناس، ليش ما تسكت؟
طيب متى آخر مرة تكلمت في الناس مثلا وزاد عندهم الخبز في بيتهم أو نقص؟
لحظة خل نشوف. الحشاش إللي عندكم ليش مايخاف من كلام الناس؟ المفروض كلامهم يمنعه.
طيب ليش لسانك طويل إذا شفت مرأة ضعيفة؟ ليش فجأة تصير عندك قيم ومبادىء سامية؟ هالمبادىء بس على النسوان لو تقدر تطبقها مثلا على إللي ينهب قوت الشعب.
آها، قصدك بس على النسوان؟ فهمت فهمت. شكرا.
طيب، إنتي ليش لسانك طويل؟ ما تدرين إنك في يوم من الأيام يمكن تكونين مكانها؟
يوم كلام الناس هالكثر مؤثر ليش ما تحط مرضاعة ولدك عند النافذة وتخلي الناس يملونها بالحليب؟
أقول لك الحقيقة ولا تزعل؟ لأنك أنت تتكلم في الناس ولأنك أنت تتهم الناس وتطعنهم في شرفهم وكرامتهم وتسيء الظن فيهم تخاف تدور عليك الدوائر ويتكلمون فيك.
كلام الناس بس على الفقراء والمستضعفين أما الناس إللي المفروض تتكلم فيهم ما يلقون منك إلا إبتسامة عريضة في الوجه وإذا دخلت بيتك قعدت تهمهم بكلمات غير مفهومة حتى لعقلك الباطن.
شفت ذاك الحرامي الكبير كيف إحترمته؟ هههههههههههه طبعا تدري إنه حرامي ومختلس بس لسانك إنربط يوم ناظرك بعينه هههههههههههههههه
كلام الناس هههههههههه
ما رأيك في الموضوع؟
التعليق والحوار