تحبي تستخدمي منظف قوي من غير ريحة حلوة... و لا منظف ريحته جميلة جدا بس فاعليته ضعيفه؟
طيب لو في حاجة صحية وسهلة التحضير وتوفرلك الميزتين..
البوست ده فيه الحل ...
في بداية جوازي ولما بدأت اكون مسولة عن بيت ونضافته ،وكمان بما اني بحب النضافة كنت بستخدم منظفات كتييره اوي ،وده اثر علي صحتي جدا نظرا للمواد الغير صحية في المواد دي.
فكان لازم الاقي بديل للمنظفات ويكون في نفس الوقت يكون في ريحه حلوه في البيت لانها بتفرق عندي جدااا.
دورت كتييير وجربت ووصلت للنتيجه الحلوه دي اللي انا واثقه انها هتعجبكم علشان تتهنوا ببيت نضيف وريحته حلوه وفِي نفس الوقت من غير ما تتعبوا صحتكم ،
هتحتاجي خل هتحطيه في برطمان يكون ليه غطاء وهتضيفي عليه قشر البرتقال واحنا في الموسم بتاعه ملكيش حجه ،وضيفي أعواد قرفه عليهم ، طبعااا ده الميكس بتاعي ،غيري فيه زي ما تحبي علي ذوقك ،وهتحطيه عندك في المطبخ لمده شهر وبعد الشهر هتصفيه وتحطيه في بخاخه ،وبكده هيكون عندك بديل تنضفي بيه اَي حاجه وصحي جدااا وامن علي صحتك وصحه كل اللي في البيت .
مين عجبتها الفكره ومستعده تجرب .
مين عندها افكار تنضيف صحيه وتشاركنا بيها .
حابه اسمع ارائكوا ?
