البشره السعيده?

دايما بحب اتعلَّم تقنيات جديده تساعد جسمي انه يقلل الخطوط والسلسلوليت وتحسن شكل الجسم ،
و اَي حاجه تكون بتساعد الجسم انه يتخلص من السموم تلاقيني بجربها علي طول واشوف هل فعلا هي نفعت مع جسمي وجابت نتيجه معايا ولا اَي كلام ?

رحلة من الجسد الى الروح

رحلة جميلة في عشرة أيام تستعيد فيها روحك وتتلطف بذاتك وتنتقل خلالها من الضوضاء والتشويش الى عالم هادئ انت تسيطر فيه على انفعالاتك ومشاعرك نحو نفسك ونحو الحياة ونحو الآخرين.

وياسلام لو حاجه بسيطه وعرفت ادخلها في روتيني يبقي زي الفل ،ودايما تلاقيني بدور علي الحاجات اللي اقدر اعملها بنفسي ومن غير ما تاخد مني وقت علشان اقدر استمر عليها .

ليه بقي كل الرغي ده علشان اقولكم علي تقنيه اتعلمتها اسمها dry body brushing بمعني انك هتمشطي جسمك بفرشاه ناشفه وجسمك ناشف بتكنيك معين و بعدها تاخدي الشاور بتاعك ووقتها هتحسي انك سافرتي وهتدعيلي ✈️?‍♀️.

اكتر حاجه عجبتني في التقنيه دي انها سهله وبسيطه بس تأثيرها ابهرني بصراحه،
خليني بقي اقولك لو دخلتيها في روتينك ايه النتيجه وانتي قرري هل فعلا تستاهل ولا اَي كلام .

لما هتدخلي الاختراع اللطيف ده في روتينك هتفوزي بتلات حاجات :
هتساعدي الجسم انه يتخلص من السليلويت والدهون الزائدة وكمان الخطوط .
هتساعدي في تنشيط الدوره الدمويه لجسمك .
هتساعدي جسمك انه يتخلص من السموم .

ايه بقي يا تري التكنيك ده اللي هيخلصنا من كل المشاكل دي :الموضوع ببساطه قبل الشاور بتاعك بتجيبي فرشاه جافه وتمشطي جسمك وهو جاف من رجليكي لحد فوق"جسمك كله" بحركات منتظمه من تحت لفوق في اتجاه القلب زي اللي في الصوره بالظبط ،الموضوع في الاول هتكوني محتاجه تركزي علي ما تتعودي ،بس بعد كده هتعمليها من غير ما تفكري .
الموضوع يستاهل ?