Happy skin ”4”
بشرتك محتاجه تدلع مرتين في الشهر بحمام البخار وتقدري تعمليها في البيت بكل سهوله من غير اَي حاجه لأي مكان
لسببين :
الاول هتوفري في الميزانيه
التاني انك هتضمني النضافه وهتكوني واثقه في حاجتك ودي حاجه بالنسبه لينا مهمه طبعا.
كل اللي محتاجاه انك تحددي مثلا ان خميس اه وخميس لا يكون هو يوم حمام البخار والدلع علشان تضمني انك تفتكري واربطيه بالدلع والفصلان وانا بوعدك انك هتفتكري .
ازاي بقي تعمليه في البيت بسهوله :
اول حاجه هتغسلي وشك بالصابونه المناسبه ليه ،
تاني حاجه طبق ازاز هتمليه مايه سخنه وتحطي فيه اَي أعشاب تحبي ريحتها نعناع/روزماري/ريحان /زعتر ….،او لو عندك اَي زيوت عطريه تنفع جدااا.
تالت حاجه هتجيبي فوطه وتحطيها علي رأسك زي الصوره الحلوه دي علشان تضمني ان للبخار كله مرتكز علي وشك لمده عشر دقايق .
رابع حاجه بقي والمسام في احسن حاجه مفتوحه محتاجه تعمليلها سكراب خفيف علشان نستفيد أقصي استفاده من حمام البخار .
وبعد السكراب طبعا نغسله ونرش علي البشره مايه ورد علشان نقفل المسام وهي نضيفه بعد ما كل خلايا الجلد الميت راحت وكمان الرؤوس السودا .
ولو تحبي ترطبي بعدها دي حاجه زياده ،لانك لو مستخدمه سكراب بزيت جوزالهند فالخطوة دي مش هتحتاجيها ?
ما رأيك في الموضوع؟
التعليق والحوار