لا تحبه ولا تسامحه

مدة القراءة: 3 دقائق
حفظ(0)

No account yet? Register

صحيح تماما اسم المقال اللي رح تقرأه ..
هذا المقال كتبته بالعامية ، اعذروني عشاق الحرف العربي ☺

** في علاقتك مع الشخص اللي (ما) بتحبه ، و(لا) قادر تسامحه، خليك عادي ، لانه هالشي عادي ، لا تحبه ولا تسامحه
لا تحبه.. مش يعني أكرهه
لا تسامحه .. مش تحقد عليه
انت بالأساس انسان .. بشر .. مش ملاك ولا مطلوب منك تكون ملاك ، انت مش مجبر تعمل اشي وانت ما بدك اياه ولا حتى تجرب تصطنع السعادة ، الجميل في السعادة انها تلقائية مشان هيك طول ما انت بتقاوم نفسك وبتدخل حالك في متاهات عشان تلاقي السعادة .. والله ما رح تلاقيها !!
يا اخي عيش حياتك زي ما هي بالزبط ?
لكن هالناس اللي مش قادر تحبها أو تسامحها.. طلعها من راسك ..
مش كل ما تشوفهم تتزكر الاول والتالي.. وتعاني وتعاني وتعاني .. الخ .
وبعدين تروح تدور ع تمارين مسامحة وحب ، ولما تفشل تقتنع أنه الغلط فيك ، وتبذل جهد أكبر واكبر وتضل مكانك وتصير متل الهامستر اللي بيركض ع نفس العجلة طول عمره !!
الشخص اللي مش قادر تغير مشاعرك تجاه ، بس اتركه ، انفصل عنه !!
كيف انفصل عنه وهو معي .. يمكن يكون ابوية او اخويه او اختي او امي او زوجي او زوجتي او او او .. الخ ؟؟
انفصل عنه داخليا .. حرر مشاعرك تجاهه ، خلي الامور تمشي بتيارها بدون تدخلك ،حتى لو ما حبيته او سامحته، بس اتركه ، ومجرد ما تتركه رح يروح .. يروح هو .. يروح شعورك تجاهه.. يتغير هو .. ما حد بيعرف .. الخيارات كتيرة بكتر النوايا يا اصدقائي .
لكن .. لما احكي انه خلي الأمور تمشي براحتها ، ما بقصد انك تحط راسك وتنام وليس ما يصير يصير !!
حكيت عن التمارين من شوي .. ما تقحم نفسك فيها .. لكن مارسها براحتك..
هاي الحالة متل الجرح والدوا ..
بتكون متألم من الجرح ، لكن بتتعالج، ما بينفع تترك الجرح يطيب لحاله ، ولا بينفع انك تتأمل من الدوا انه يعافيك من اول استخدام ، مع فارق بسيط انه المشاعر ما بتقدر تتعامل معها بالاجبار او الإنكار.

الكتاب الذي ستتجاوز به الأزمة

كتاب التناغم مع المال هو الكتاب الوحيد الذي يشرح لك كيف تتعامل مع المال ومع الأزمات المالية بشكل مبسط يمكنك تطبيقه منذ اليوم الأول. ستعرف الكثير عن المال وكيف تتعامل معه وستعرف الكثير عن نفسك في وجود المال. الكتاب مبسط جدا بحيث يأخذ بيدك خطوة بخطة نحو الحرية المالية والتعامل مع الأزمات. ستصبح مستعدا لكل الأزمات وستخرج من أي أزمة مالية منتصرا وستتمكن من تكوين نظام جيد لصناعة المال في جميع الظروف.

أنقر هنا لتعرف المزيد

نرجع لموضوعنا..
فعلا في ناس ما بتقدر تتعامل معهم .. ولا تحبهم .. ولا حتى تقبلهم.. خلص يا سيدي.. بلا منهم ، بس في نقطتين مهمات هون .. الأولى: اقبل نفسك وانت بهاي الحالة (حالة اللاحب) ☺
ثانيا : اطلع من دوامة تأنيب الضمير ولوم النفس
لانه هاي الشغلات حكي فاضي وبتعب اكتر .. وخليك ع مبدأ (( لكم دينكم ولي دين )) .
فعليا يا اصدقائي .. الامور بتتعدل لحالها ، ما بدها تدخل لامنك ولا من غيرك ، بس برضه ما بقصد ورقة بمهب الريح ، بقصد انك تضل (( واعي)) للي بصير معك وتحسن نوعية وجودة افكارك عشان تعرف تختار الطريق اللي بناسبك .

بالاخير …
اعمل اللي بناسبك ، بحيث انك ما تتعدى على غيرك ، ولا تحقد على حد عشانك واعرف انك سيد نفسك وما حد بيعرف اللي بدك اياه متلك ، وأعرف انك مش شخص كامل الأوصاف(فتني?) .. مشان هيك ما تجبر نفسك ع المثاليات وانت بتتعب منها .. ما تجبر نفسك ع الحياة الوردية ، لأنك رح تكره الورد بكافة أشكاله هههههه ..
وما تخاف .. رح تسامح وتحب وتحب وتحب وتنحب ، لما روحك تدللك ع الطريق ، وبدك تعرف كمان انه متل ما انت بشر مش كامل اللي حولك نفس الشي .. الاشي اللي مطلوب منك انك تحافظ ع نفسك من خلال معرفتك للوضع العام المحيط فيك.

اللي بتحبهم خليك معهم واللي ما بتحبهم.. الله يسهل عليهم .

وتذكر انه السعاده اللي الكل بدور عليها هي انك تكون انت انت .. مش هم ولا المجتمع ولا اشي ..
السعادة سلام وراحة ??

محبتكم ❤

رؤيا بركات ?

دمتم بود ?

إنظم إلى عائلة أبرك للسلام. توجد أشياء كثيرة غير المقالات - أنقر هنا للتسجيل ستكون تجربة رائعة • أو سجل دخول للتعليق والمشاركة
نبذة عن الكاتب: Ruya Barakat موثق مستثمر كاتب متألق متفاعل

مهندسة زراعية ..
مهتمة بالوعي 🙂

ما رأيك في الموضوع؟

التعليق والحوار

@peepso_user_5128(آمال الجاسم)
جميل جداا وسهل بس انا بحب الورد ههههههه تسلم ايدك
@peepso_user_1663(Ruya Barakat)
@peepso_user_5128(آمال الجاسم) كمشة ورد لعيونك 🌷🌷🌷🌷🌷
@peepso_user_7792(Abbrak User)
بعض الناس اذا ماقدر ان يسامح يصير عنده شعور بذنب عشان ماقدر يسامح وهذا اسوى بكثير ،الشعور بذنب من اسوى المشاعر التي يمكن ان يحس بها الانسان وتؤخر كثيرا من تقدمه في الحياه ،اذا لم تستطع ان تسامح فعليك تقبل ذلك لاتقاوم هاذا الشعور وتدعي المثاليه وتخدع نفسك.
@peepso_user_355(فاطمه سعيد)
المقاله جميله تعبنا من المثاليات و لوم الذات وتأنيب الضمير،، لازم اكون مثاليه
لازم ما اغلط ولا احد يكرهني لاني الكبيره في البيت لازم اتحمل تفاهات اخواتي الاصغر و احل سخافاتهم. ليش ما اتصرف على طبيعتي واتقبل عيوبي. و ليش ما نحب ذواتنا. ونعرف اهدافنا ونمشي بالحياه المشكله انو نحمل نفسنا فوق طاقتنا لازم نكون مثاليين ما نغلط .