وجعلنا من الماء كل شي حي

مدة القراءة: 2 دقائق
حفظ (0)

No account yet? Register

انهارده كلامنا عن حاجه مهمه جداا في  الحر ☀️??اللي احنا فيه ده وناسينها ومركزين مع مشروبات مليانه سكر وكافيين وألوان صناعية☕️?? ومش بتروي الجسم بالعكس ده بتسبب ليه جفاف وبترفع مستوي السكر في الدم ،

ونقص المايه في الجسم بيسبب اغلب مشاكل الشعر والجسم ان مش كان كل المشاكل ،وان الصداع المتكرر اللي ملوش سبب عرض من أعراض نقص المايه في الجسم ،

دورة نفرتاري

وان إحيانا الجوع المتكرر بيكون احتياج للمايه مش اكتر وأنك لو شربت المشكله اتحلت ومش هتحتاجي تأكلي كتير .

?نشوف بقي بعض فوائد المايه للجسم والبشره ??

?”وجعلنا من الماء كل شي حي “المايه فيها احياء للجسم ووظائفه وخلاياه ??

?المايه أساسيه  لكل وظائف الجسم الحيويه .

?المايه هي المكون الأساسي لتركيب الخليه .

?المايه هي بتساعد علي الهضم والتخلص من الامساك .

?المايه بتخلص الجسم من السموم سواء عن طريق البول او العرق .

?المايه بتحافظ علي البشره صحيه لان ترطيب الجسم من جوه بينعكس عليه من بره كمان .

?المايه بتخلي نفسك ريحته حلوه لانها بتحافظ علي فمك رطب وبنشيل بقايا الاكل اللي الفم .

?المايه هتقلل شهيتك تجاه الأكل وهيخليكي تأكلي بعقل مش بشراهه وانتي مش حاسه ?.

طبعا ده غير فوائد تانيه كتيره جدااا??.

?احتياج الجسم للمايه بيختلف من شخص للتاني يعني مثلا مش ينفع حد بيشتغل في التكييف زي حد بينزل يشتغل في الحر في الشارع اكيد احتياج جسمهم للمايه هيكون مختلف حتي لو كانوا نفس الوزن ،بس  حطي في اعتبارك ان الحد الأدني ٨كوبايات للجسم في اليوم تزيد مع طبيعه كل جسم ودرجه الحرارة للجو ، وانتي اللي هتحددي  جسمك محتاج مايه قد ايه عن طريق حاجه سهله جدااا انك تراقبي لون البول ومن خلاله تحددي جسمك محتاج مايه ولا شبعان ،

لون  البول كل ما كان شفاف  كل ما كان احسن وجسمك واخد كفايته من المايه راقبي علي مدار اليوم وبعد ما تختبري تعرفي جسمك محتاج قد ايه .

طبعا المايه  موجوده في الأكل والخضار والفواكه ???????????????والجسم مفيده جدا للجسم والجسم بيستخلصها منهم بنسبه بس اكيد طبعا مش زي المايه اللي  في صورتها الطبيعيه .

دمتم بكل الصحه والسعاده ??

إنظم إلى عائلة أبرك للسلام. توجد أشياء كثيرة غير المقالات - أنقر هنا للتسجيل ستكون تجربة رائعة • أو سجل دخول للتعليق والمشاركة

نبذة عن الكاتب: Basma Mahrous مستثمر متفاعل
بحب الطبيعه جداا والأماكن المفتوحه ،بحب السفر ،شغفي الزيوت الطبيعيه وازاي اطلع منها product ??

ما رأيك في الموضوع؟

التعليق والحوار

@peepso_user_3535(Marwa aisawi)
والافضل تكون ماء قلويه حيه
22 يونيو, 2018 11:14 م