كنت في السوبر ماركت وخطر علي بالي أعملكم بوست عن الخل طلعت روح الفوتوجرافر وصورتلكم الرف ده علي إساس انكم مش عارفينه??

الخل اقدر اقول انه صديقي الصدوق من بعد جوازي ?مينفعش الطلبات للبيت تكمل الا بيه بستخدمه في كل حاجه تقريبا???

الإستشارة تفتح لك الطريق

خذ الخطوة الأولى نحو تحمل مسؤلية حياتك. أنت تستشير فريق له خبرة وتجربة في التعامل مع قضايا مختلفة و إقتراح حلول مؤثرة. الإستشارة تقدمها الدكتورة فاطمة الزهراء بإشراف مباشر من عارف الدوسري.

ليه بقي ياتري ?
لان بقي الخل ده مضاد بكتيري هايل ومطهر وبيلمع وبينضف وبيشيل البقع كمان .

يالا نبدأ اقولكم ياتري بستخدمه ازاي في كل حاجه?

هبدا بالمطبخ الاول علشان تطبقوا وتجربوا وتنبهروا ?

?بستخدمه في غسل الخضراوات والفواكه ???????
بعد ما بشطف الخضار والفاكهة بالمايه، بحطهم في طبق ازاز طبعااا فيه مايه وعليه معلقتين خل واسبهم ٥دقايق وبعدين اشطفهم كويس جداا.

?بستخدمه في تنضيف الرخامه برش منه لوحده وامسح بيه الرخامه بينضفها وبيخيليها بتلمع .

?تنضيف التلاجه بمسح بيه الأرفف عاوزه اقولكم بينضف جدااا وبيخلي التلاجه مفيهاش اَي ريحه ??

?البوتجاز ده بقي اختراع وهيعحبك ?
برش بيكنج صودا علي البوتجاز وبعدين ارش عليها الخل ولو فيه بقع كتير مش هتطلع بسهوله بسبهم فتره اعمل حاجه وارجع ادعكه بيطلع اَي حاجه كانت موجوده ??

?عارفين الماجات الفاتحه لما بتشربي فيها شاي او قهوه او اَي مشروبات غامقه بتغمق من جوه حلها بقي ايه ?
حطي معلقه بيكنج صودا وحطي لنص المج خل وسيبيهم شويه وبعدين عتغسليه بالليفه وهيرجع ابيض تاني .

?بنضف بيه الحوض وده عملتله بوست لوحده منفصل هحطه ليكم اللينك بتاعه .
https://www.facebook.com/234677553952474/posts/315506622536233/