"قل ان صلاتي ونُسُكِي ومَحْيَاي ومَمَاتِي لله رب العالمين "
الفكره من الصلاه ان احنا نتصل بربنا ونكون علي صله بيه مش بس في وقت الصلاه لا علي مدار اليوم في اعمالنا وأفعالنا ،ربنا بيقول "ان الصلاه تنهي عن الفحشاء والمنكر "يعني لو صلاتنا مش بتعيناعلي كده أظن اننا محتاجين نعيد نظرتنا لموضوع الصلاه ككل لانها هي ان صلحت صلح كل شي في حياتنا ،والصلاه هنا مش  المقصود بيها الصلوات الخمس وبس ،لا الصلاه هي موضوع أعمق من كده الصلاة  هي تقريبا" نظام حياه واحساس عالي "و أني استشعر في كل دقيقه وكل ثانيه أني في معيه الله ،وان وقت المشكلة يكون ربنا  هو مساحه الهدوء اللي ألجأ ليها  مش البشر  فأما ان المشكله تتحل من عند ربنا او ان ربنا يلهمني الحل ،يعني من الاخر في الحالتين كسبانين ..win..win
فاحنا نتخيل اننا علي اتصال مع ربنا طوال اليوم !!ازاي بقي ؟؟بص بقي الموضوع بسيط خالص احنا اول ماهنصحي من النوم هنعمل” call “مع ربنا بس من غير ماهنحتاج لكريديت يعني مكالمة ببلاش ??والخط ده هيفضل مفتوح معاه ونكون واعيين بكده-تخيلي لو الخط مفتوح مع حد عادي من البشر هيكون رد فعلك أيه مابالك بقي ده رب البشر -يعني لما نكون محتاجين اَي حاجه ،اَي مشكله ،اَي حاجه لو بسيطه حتي لو مش لاقيه ركنه ووراكي معاد ،حتي لو محتاجه تاكسي بسرعه ،لو بتطبخي حاجه ونفسك تطلع حلوه ،في تربيتك لولادك ،في علاقتك مع جوزك ومع الناس،بتجهادي نفسك ومش لاقيه حد يعينك ،عندك احساس بالوحده،حاسه بضيق أو توتر  ،اَي حاجه من تفاصيل يومنا الصغيره والمواقف ، نسأله ونطلب منه يساعدنا ونكون علي يقين باستجابته ونحسن الظن فيه ونستشعر الآيات دي بعمق ??
☘️"وإذا سالك عبادي عني فاني قريب اجيب دعوه الداع اذا دعان"☘️
☘️"ان ربي قريب "☘️
☘️"نحن اقرب إليك من حبل الوريد"☘️
،وناخد اَي حاجه بتحصل في يومنا علي انها سؤال من ضمن اسئلتنا في امتحان الدنيا ،واجابتنا علي الاسئله دي هي ردود افعالنا تجاهها شوفي بقي انتي لما يكون عندك امتحان وربنا بنفسه هو اللي بيراقب علينا وان أسئلتنا هي أزواجنا وأولادنا وعملنا واموالنا شوفي هتجاوبي ازاي هل بقي هتجاوبي اجابه صح ،غلط ،ولا اجابه نموذجيه ??ويكون دايما سعينا للافضل  وإني أُحسن في كل افعالي وأتقنها ،وبكده اَي حاجه بتحصل في يومي مش هي اللي هتظبط اليوم بتاعي او تبوظه ،هيكون كل رد فعل طالع من حاله اطمئنان وسلام وتسليم لربنا اللي هو اصلا اله الكون ده وبكده أكون فاكراه طوال اليوم وفِي بالي وعندي احساس بوجوده.
ربنا يعينَّنا علي ان نحسن الظن به ونكون علي الصوره اللي هو يحب انه يشوفنا بيها .

شكرا شكرًا علي وجودكم في حياتي .

كل الوعي الذي تحتاجه تجده هنا

بالوعي تتخطى الصعاب وتتعامل مع الحياة من منظور مختلف تماما. تهدأ عندما يجزع الناس وتتقدم عندما يتراجعون. إنه اسلوب حياة قائم على إدراك قيمة الإنسان لذاته ولدوره في أحداث حياته. دورة الوعي الأول تمنحك كل هذا وأكثر.

دمتم بكل الحب والسعاده والسلام .