دايما بسأل نفسي ليه الناس بتخاف من الموت اوي كده ،علي الرغم ان الموت ده جزء مننا ومن حياتنا ككل احنا كل يوم بنموت ونصحي ،ليه بقي بنخاف منه ونرهبه ؟
?هل علشان جوانا احساس بالخوف والقلق ؟؟
?هل علشان مش قادرين نتخيل ازاي هنسيب الدنيا وممتلكاتنا ؟؟
?هل احساسنا بارتباطنا بمتاع الدنيا وأننا مش قادرين نتجرد منهم ؟؟
?هل احنا بنعامل كل لحظه علي انها اللحظه الاخيييره قي حياتنا ؟؟
?هل لو قالك ان اليوم اللي انت فيه ده هو اليوم اللي الأخير هل هتكون متقبِّل ومنتظر اللحظه دي بهدوء ولا هتثور وتقول انا لسه معملتش كل حاجه نفسي فيها ؟؟
ايه اللي مخليك مستني ومنتظر ،مستني لحد امتي !!!!
?هل احساسك بالتقصير تجاه نفسك وروحك وجسمك وعقلك هو اللي بيخليك تخاف الموت ؟؟!!
?هل احساسنا بالتقصير تجاه ربنا هو الي بيخلينا نخاف الموت ؟
اكيد دي كلها اسئله محتاجين نسألها لنفسنا ونجاوب عليها بهدوء .
?ومحتاجين نفتكر ان الموت هو الحقيقه الوحيده علي وجه الارض وأننا بعد الموت فيه حياه ،عامل كل يوم علي انه حياه وولاده جديده وهديه من ربنا ليك ،وأبذل كل ما بوسعك علشان تعيش لحظاته وتستمتع بكل اعمالك والعالم ،وافتكري انها رحله وافتكري ان كلنا هنوصل ،بس فيه اللي هيوصل وهو مستمتع وفيه اللي هيوصل وهو بينهج ومش قادر ياخد نفسه ،تحبي تكوني اَي فيهم .
دمتم بكل الحب والسعاده ??
رمضان كريم ??
