إنتوا شنو مشكلتكم مع الرجل إللي تحبونه؟ شهالحب إللي يدمركم ويخليكم بائسين إلى هذة الدرجة؟ هذا إنتحار أحمق. الوحدة من تشوف لها واحد تمسك به وكأنه آخر قطعة متوفرة في السوق؟
تتعرفين على شخص وتحبينه وبعدين يشوتك عادي جدا. هو غير مناسب لك وإنتي غير مناسبة له، ليش تحرقين قلبك على شخص ما يحبك؟ ليش تحاولين تجبرينه يتزوجك؟ إذا هاذي تصرفاتك من البداية كيف بتكون بعد الزواج؟
وتقولون مؤمنات، مؤمنات بشنو؟ إذا كل هذا التعلق فيكم شنو نوعية إيمانكم؟ الواحد يحب ويتألم إذا إنتهت العلاقة لكن ما يوقف حياته وسعادته على إنسان بعينه. خلاص إنتهت العلاقة أو صارت فيها تعقيدات فهذا يعني إن الله إختار لك شيء أحسن. إذا تخليتي عن العاطفة وشوي جلستي فكرتي بينك وبين نفسك بتلاحظين إن العلاقة ما لها مستقبل. بعد إنتوا مستعدين ترمون نفسك في التهلكة وتبغون الرجال يسوون مثلكم؟
مايصير هذا الكلام - دورنا نتخذ القرارات إللي إنتوا ما تقدرون تتخذونها بسبب العاطفة. شلون يعني؟ أشوف إن المرأة غير مناسبة لي وأستمر معها؟
طايحين فينا خونة خونة. كل وحدة تختلف مع حبيبها تقول خاين. خاين لأنه إنسحب قبل لا يتورط في علاقة هو ما يقدر عليها؟
ذابحكم الإيغو ومستعدين تحطمون حياتكم بس ما يترككم الرجل. خلاص كل وحدة تتحمل مسؤولية حياتها، صايرين مثل الأطفال إللي يصيحون إذا إنتهت اللعبة إللي راكبينها.
حب يخنق فعلا
ما رأيك في الموضوع؟
التعليق والحوار