استشعري بحواسك الاعشاب

“عيله بتحب الشاي ”

يوم الجمعه كان يوم مقدس بنتجمع فيه كعيله كلنا ايّام تيته وجدو الله يرحمهم ،من طقوس اليوم ده كان براد الشاي العظيم،

براد الشاي ده حكايه ،كان براد كبير يكفي كل الحبايب اللي متجمعين ،وكان لما المايه تغلي وصوت البراد يفضّل يخبط علي الغطاء من بخار المايه، وكأنه بيقول انا خلصت تعالو خدوني ،
ونظرات جدو مش قادره أنساها وكأنه بيقول محدش هيقوم يجيبه يعني،ونقعد نتعازم علي بعض وفِي الاخر ساعات جدو كان يسبنا نتكلم ونتعازم،ويقوم هو يجيبه يا حبيبي،
وساعتها نشرب احلي كوبايه شاي متلقمه من ايده و كل واحد علي حسب مزاجه فيه اللي بيحبه سكر كتير شاي خفيف وفيه اللي بيحبه شاي تقيل سكر خفيف وكده يعني واختلفت الأذواق.

ليه بقي القصه دي علشان اقولكم ان اختراع الkettle والشاي الفتله واي مشروب عشبي موجود في فتله ،مش بس ضيع علينا تفاصيل كتير ،ده كمان مؤذي جدااا لصحتنا جدااا الكيس اللي موجود فيه الشاي او المشروب العشبي ليه بقي يا تري؟؟؟؟؟

الكيس ده موجود فيه ماده بلاستيكية ومواد مبيضه وبواقي مبيدات حشريه ومواد منكهه وحاجات تانيه كتير مش عاوزه اصدمكم،
كل الحاجات اللي فاتت دي للاسف بتنشط لما بينزل عليها مايه سخنه والكارثه انها قابله تذوب في المايه واحنا نشربها وتدخل جسمنا وجسمنا يمتصها وتعمل عمايله معانا للاسف .
………………………………………………………………….

طب ايه الحل ؟؟؟؟؟
الحل أننا نفضي الاكياس اللي عندنا وناخد اللي جواها ونشربه عادي ،ولما يخلص اللي عندنا بلاش نشتري اَي حاجه فتله تاني ونجرب الأعشاب وهي من غير فتله وصدقوني هتحسوا بالفرق الرهيب في الطعم اللي كنا حارمين نفسنا منه ،
ونعامل كل الأعشاب حسب طريقه شربها طبعااا اللي بيتغلي نغليه في البراد زي الينسون والحلبه،
واللي بيتشرب بصب المايه السخنه عليه زي اَي عشب ورقي زي النعناع والريحان مثلا .
ونرجع نستشعر اَي حاجه بنشربها ونحس بيها وبفوايدها🙂

وكمان الناس اللي بتقرف من الاعشاب شربتها مع المشروب فيه اختراع لطيف بتحطي جواه الاعشاب وتصبي عليه المايه السخنه من غير ما الاعشاب يضايقك ملمسها .



أحصل على ١٠٠ نقطة عن كل صديق يسجل بإستخدام الرابط التالي
https://abbrak.com/?mref=


إقرأ مقالات ذات علاقة

نبذة عن الكاتب: Basma Mahrous مستثمر متفاعل

بحب الطبيعه جداا والأماكن المفتوحه ،بحب السفر ،شغفي الزيوت الطبيعيه وازاي اطلع منها product 😃🌼

الرابط المصغر لهذا المقال: https://abbrak.com/dinpyg

اترك تعليقاً