انا دايما كنت بسأل نفسي ليه الأطفال وهما بيعملوا اَي حاجه في حياتهم بتلاقيهم منطلقين ومستمتعين بالمعني الفعلي للاستمتاع وسعداءومش همهم اَي حاجه في الدنيا ،وليه احيانا لما بنكون قاعدين في تجمع دماغنا مش بنكون معاهم بنكون اه قاعدين معاهم ومش قاعدين في نفس الوقت !!!! و بمجرد ما بنقوم من التجمع بيفضل عالق في ذهنا ونقعد نقول لنفسنا انا كان المفروض أقول كذا ،كان المفروض اعمل كذا وغيره من حوارات النفس اللي بتدور جوانا ،علي النقيض بقي في ناس بتلاقيها قاعده ومستمتعه و عندها سرعه بديهه وروح فكاهه عاليه وهي اللي بتحلي اَي قعده وبتعرف ازاي تستمتع وتعيش اللحظه، والنوع ده من الناس بيكون مالوف وترتاحله لانه مبسط الأمور وواخد الدنيا ببساطه وبيعرف يدي كل حاجه في حياته حجمها الطبيعي، الموضوع بكل بساطه يكمن في??

??الحضور في اللحظه "??

يعني ايه الحضور في اللحظه ؟؟
يعني اننا نكون قاعدين في المكان ده واللحظه دي بكل حاجه فينا بعقلنا وجسمنا وروحنا وقلبنا ،مش بس بجسمنا ،وروحنا وعقلنا وقلبنا في حته تانيه خالص ،لان احنا إننا في اغلب الأوقات اذا مش كانت كلها ??لا بنكون في الزمان ولا المكان اللي احنا فيه بنكون لاما بنفكر في الماضي او سرحانين في المستقبل ،احنا محتاجين نركز ونستمتع باللي بنعمله في اللحظه دي حتي لو بسيط ،احنا محتاجين نعطي لكل حاجه حجمها الطبيعي ،في أشخاص واحداث والاشياء واخدين مساحه كبيره من عقلنا وشاغلين تفكيرنا محتاجين نعمل refreshing للمخ ونعيد ترتيب الأشخاص والاحداث اللي واخده من تفكيرنا جهد وطاقه علي الفاضي وواقفه في سبيل تحقيق اهدافنا،محتاجين نشوف الصوره من بعيد ونجرد نفسنا عن أحداثنا ونشوفها من منظور تاني كأنها تخص حد تاني ونبدأ نقيم اعتقد ان تقييمنا هيختلف كتير ??والفصلان ده بيكون عن طريق الصلاه ،meditation ،الصمت،او حتي اننا نفصل عن الناس فتره ،باي طريقه محببه الي قلبك افصل وبس وهتدعيلي ?،احنا محتاجين بس نحب نفسنا اكتر ونحتويها ونطبطب عليها باي طريقه كانت لان ده لو محصلش منك انت لنفسك عمره ماهيحصل من حد بره .
اعتقد القيمه دي محتاجه تدريب عليها ذي اَي حاجه في الدنيا” practice makes you perfect “ وان احنا ندخلها في إطار يومنا ووعينا وادركنا ،حياتنا هتتغير كتير.

?دمتم بكل الحب والسعاده والرضا اصدقائي?