تركيز الانتباه يعتبر من أقوي العادات الأساسية اللي ممكن تحولك لإنسان بيحقق إنجازات كبيرة في وقت قياسي ..
وقبل ما اقولك ازاي تركز .. لازم تعرف ايه إللي بيشتت الإنتباه عندك أساسا ؟
- تشتيت الانتباه بيتركز في الضوضاءوهنا عندنا نوعين : إما ضوضاء داخلية أو ضوضاء خارجية.
١- الضوضاء الداخلية: هي مجموعة المشاعر والأحكام إللي واخدها ضد الفعل إللي بتعمله، وصوتك هنا هو إللي بيتكلمك ويقولك الفكرة دي صعبة أو مستحيلة أو يطلع أي عقبات يعلق عليها عجزه ويكبرها ويضخمها عشان يوقفك.
وساعات الضوضاء الداخلية دى بتصم اذانك عن الفعل أكتر من الضوضاء الخارجية، ولو هنقارن فتلاقى إن الضوضاء الخارجية أكثر رحمة.
2- الضوضاء الخارجية : مجموعه ظروف والمعقلات اللي هي لازمه لاي اختبار اساسا ودي سهل جدا إنك تتعلم تعالجها بالرصد و التحليل .. الترتيب ..
ازاى ⁉️ ببدأ اشوف إيه المشتتات والأصوات إللي ضد الإنجاز .. وابدأ اسأل نفسي بالطريقة دي :
- هل ضوضاء جايه من علاقات قريبة أو بعيده وما مدي تأثيرها علي انجازي ؟ ( افتكر إن إنت إللي بتتحكم في التأثير )
- هل حاطط للمهام خطوات و وقت ولا بتحرك بعشوائية؟
- هل الهدف داعم ليك ولا بتقلد غيرك في أهدافهم ؟
ودا لإن ممكن لو الهدف مش مناسب ليك يظهرله أصوات إنذار في شكل معرقلات إن الهدف غير مناسب ليك (ودا من مصلحتك انك تقف ومتكملش) المهم حدسك يكون سليم مش تكاسل منك.
لانك لما تعمل هدف تنسجم معاه بيتجمعلك تلقائيا شغفك واهتمامك وبالتالي (انتبااااهك)
ازاي تعرف ان الهدف منسجم ومتماشي مع شخصك؟
✅ انه لا يتعارض مع تركيزك ولا تبذل مجهود كبير في التركيز.
✅ طاقه تنفيذ الهدف فيها يسر وسهولة.
بعد تسكيت الأصوات وتهدئة ثورة المشتات الداخلية والخارجية، في تمرين ضروري تعمله:
- التمرين بكل ببساطة هو التنفس!!
وهنا مش هقولك اعداد تنفس تعملها لشهيق وزفير ولكن بكل بساطة، اتنفس بهدوء وخلي الزفير أطول وياريت لو بتسمع مزيكا هادية ويا سلام بقى لو سبنمينال وعلى قد ما تقدر تقعد في وضع خشوع أو تأمل ..
شاركوني في التعليقات عندك كام هدف منسجم مع شخصيتك ؟!!
